“Möhtəşəm plan”
Fatih Sultan Məhmət uşaq ikən
çox dəcəl idi. Dərs əsnasında müəllimi Ağşəmsəddini çilədən çıxarırdı. Müəllimi
ona hirsləndikdə isə "Mən padşah oğluyam, mənə heç nə edə bilməzsən"
deyərək onu hədələyirdi. Ağşəmsəddin padşaha şikayət etməyi ədəbsizlik sayaraq
vəziyyəti II Murada izah etməkdən çəkinir amma zaman keçdikcə Məhmətin etdiyi
yaramazlıqlar dözülməz həddə çatır. Buna görə o, II Muradın yanına gəlib
"Padşahım, sizə bir şey demək istəyirəm amma həya edirəm" deyir. II
Murad dərhal "Nə sözün varsa çəkinmədən buyur" deyir. Bundan bir az
rahatlanan Ağşəmsəddin "Padşahım, oğlunuz, ciyərparanız Məhmət çox
dəcəldir, onun dəcəlliyinin ucbatından dərs keçə bilmirəm. Nəsə söz deyəndə də,
məni sizinlə hədələyir." deyincə, II Murad onun qulağına nəsə fısıldayır.
Bu sözlərdən Ağşəmsəddin özünü itirir, "Bu nə plandır, bu mümkün
deyil" deyir. Padşah "Belə olmalıdır" deyə nöqtəni qoyur.
Ertəsi gün Məhmət yenə dərsdə dəcəllik edir və Ağşəmsəddin onu danladıqda, yenə
atası ilə hədələyir. Bu vaxt padşah qəfildən qapını açaraq içəri girir.
Ağşəmsəddin ayağa qalxaraq padşaha bir şillə vurur və sinfə belə
girilməyəcəyini, içəri girəndə icazə almaq lazım olduğunu bildirir və dərhal
çölə çıxmasını istəyir. Padşah boynubükük üzr istəyərək çölə çıxır. Gördüyü
mənzərənin qarşısında Məhmətin nitqi quruyur. Güvəndiyi padşah atası şillə
yemişdi. Az sonra qapı döyülür və padşah yenidən içəri gəlmək üçün icazə
istəyir. Plan möhtəşəm bir şəkildə həyata keçirilmişdi. O gündən sonra Fatih
Sultan Məhmət əsla dəcəllik etmir, çünki güvəndiyi dağlara qar yağmışdı.
Bəyən
Sevgi
Haha
Uyda
Qəmgin
Комментариев нет:
Отправить комментарий