23 aprel - Ümumdünya kitab və Beynəlxalq müəlliflik hüququ” günüdür.

23 aprel  - Ümumdünya kitab və Beynəlxalq müəlliflik hüququ”  günüdür.

Müasir dünyada uşaqların maraq dünyasına aid olan bir çox əlamətdar tarixi günlər qeyd edilir. Ümumdünya Kitab və Müəllif Hüquqları Günü - 1995-ci il aprelin 23-də Parisdə YUNESKO-nun Baş konfransı keçirilib. Həmin konfransda Ümumdünya Kitab və Müəlliflik Hüququ Günü, həmçinin Uşaq və yeniyetmə ədəbiyyatında dözümlülük ideallarının təbliğinə görə YUNESKO mükafatı təsis edilib. Bu əlamətdar günün aprelin 23-də qeyd olunmasının qərara alınması təsadüfi deyil. Belə ki, 1616-cı ilin bu günü Migel Servantes, Uilyam Şekspir, İnka Qorsilaso de la Veqa kimi görkəmli ədiblər dünyalarını dəyişmişlər. Tamamilə təbiidir ki, YUNESKO bu günü kitablara və müəlliflərə dəyər vermək, insanları, xüsusən gəncləri mütaliədən zövq almaq və bəşəriyyətin sosial və mədəni tərəqqisinə öz əvəzedilməz töhfələrini  vermiş insanların əməyinə hörmət etməyə çağırmaq məqsədi ilə təsis etmişdir.

Həmin gün qəbul olunmuş qətnamədə bu günlə əlaqədar kitab sərgilərinin və yarmarkalarının keçirilməsi tövsiyə olunur. Hər il bu günlə bağlı tədbirlərin sayı, çeşidi və eyni zamanda təşəbbüslərin sayı artır. Bunların arasında ən populyar olanları – kitab yarmarkaları və sərgiləri, dünya klassiklərinin əsərlərinin ictimai oxusu və müxtəlif mədəniəyləncəli tədbirlərdir. Bu bayramla əlaqədar daha bir ənənə də mövcuddur. 2001-ci ildən başlayaraq hər ilin bu günü dünyanın kitab paytaxtı adını alan şəhər seçilir (1 il müddətinə). 23 aprel - Ümumdünya Kitab və Müəlliflik Hüququ Günü Azərbaycanda 1997-ci ildən başlayaraq ənənəvi şəkildə qeyd edilir.

Öncə sərgilərin təşkil olunması ən vacib tədbirdir. Sərgilər aşağıdakı başlıqlar altında qurula bilər:

                 “Yaxşı kitab yaxşı ünsiyyət deməkdir”,

                 “Mütaliə sənəti – başqasının köməyi ilə düşünmək sənətidir”,

                 “Kitab – insan ağlının ən böyük kəşfidir” və s.

Dahi şəxsiyyətlərin kitab haqqında dedikləri mənalı fikirlərdən, aforizm-

lərdən də istifadə etmək olar.

«Kitab – bütün biliklərin alfa və omeqası, bütün elmlərin başlanğıcıdır».

                                                           S.Sveyq, Avstriya yazıçısı

«Yaxşı kitabları birinci dəfə oxuyarkən, yeni dost qazandığımız zaman

keçirdiyimiz hissləri keçiririk. Artıq oxunmuş kitabı ikinci dəfə oxumaq – köhnə dostu yenidən görmək kimidir»

                                                           Volter, fransız şairi, filosof

« Kitablar arasında, insanlar arasında olduğu kimi, yaxşı və pis mühitə düşə

bilərsən».

                                                           K.Helvetsi, fransız filosofu

«Kitabı yaradan müəllif, onun taleyini yaradan isə cəmiyyətdir».

                                                           V.Hüqo, fransız yazıçısı  

 «Yaxşı kitabxana – nəhəng sərvətdir».

                                                           V.Belinski, ədəbi tənqidçi