«Səhər yeməyinin uşaqlar üçün nə kimi əhəmiyyəti var?»

Məktəblərin açılması ilə əlaqədar uşaqların qida alışqanlıqlarında dəyişikliklər yaşana bilir. Xüsusən, 3 ay yay tətilindən sonra uşaqların gün rejiminin dəyişməsi ilə əlaqədar qidalanmalarında bir sıra problemlər ortaya çıxır. Şagirdlərin fiziki və zehni inkişafını tamamlamaq və müvəffəqiyyətli bir təhsil dövrü keçirmələri üçün bəslənmə rejimlərini yaratmaq çox vacibdir. Mütəxəssislərin fikrinə görə, məktəb dövründə yaradılan qida alışqanlığı gələcəkdə də düzgün qidalanma rejiminə təsir göstərir. 

Düzgün, sağlam və vaxtlı-vaxtında qidalanmaq uşaqların fiziki inkişafı ilə yanaşı, zehni inkişafına da təsir göstərir. Xüsusilə valideynlər, səhər yeməyinin yeyilməsinə diqqət etməlidirlər. Orqanizmin gün boyu ehtiyacı olduğu enerji məhz səhər yeməyində toplanıb. Səhər yeməyinin əsasını – süd, pendir, bal, çörək və yumurta təşkil edir. Lakin qeyd etmək lazımdır ki, qida alışqanlığı yaradılan zaman valideynlər uşaqları heç nəyə məcbur etməməlidir. Onların xoşladığı formada tostlar və kiçik pendirli sendviçlər hazırlaya bilərlər. Pendir seçimini isə uşağa buraxmaq olar. Bütün ailəcə masa ətrafına toplaşıb səhər yeməyi yemək uşaqlara həm dəstək olacaq, həm də səhər yeməyinin zəruriliyini onlara aşılayacaq. Uşaqlarda vitamin ehtiyacını qarşılamaq üçün meyvə və səbzələrin ən az 3 növündən istifadə edilməlidir. Biskvit, şokoladı isə fındıq, qoz, badam və digər sağlıqlı çərəzlərlə əvəz etmək olar.

 Pediatrların fikrincə, bəslənmə çantasına hansı qidalar daxil edilə bilər?

Bildiyimiz kimi, uşaqlarda müxtəlif fast foodlara: çipsi, sorma konfetlər, şirin və qazlı sular, digər orqanizm üçün sağlam olmayan qidalara xüsusi meyl olur. Nəticədə uşaqda maddələr mübadiləsi pozulur və erkən yaşlarda kökəlməyə meyillilik yaranır. Valideynlər bu kimi halların qarşısını almaq üçün 

                                                             

övladlarının bəslənmə çantalarını özləri yığmağa üstünlük verirlər. Bu zaman nələrə diqqət etmək lazımdır?

Aşağıda göstərilən nümunələrdə uşaqların bəslənmə çantalarına günorta və ondan sonrakı vaxt üçün daxil olan qidalardan ibarət menyu nümunələri verilmişdir.

   

"Özünəxidmət bacarıqlarının formalaşdırılması"
Uşağın məktəbdəki uğurlu təhsili, şəxsiyyət kimi formalaşması, ictimai həyatda iştirak etməsi kiçik yaş dövründə qoyulmuş təməlindən əhəmiyyətli dərəcədə asılıdır. Uşağın mənəvi və estetik hisslərinin tərbiyəsində mədəni vərdişləri mənimsəməsinin, o cümlədən, özünəxidmət əməyinin formalaşmasının da böyük rolu var.

  Əziz balalar! "Özünəxidmət bacarıqlarının formalaşdırılması "layihəsi çərçivəsində 
 "Səhər yeməyini özüm hazırlayıram" adlı onlayn müsabiqə başa çatdı. layihədə həvəslə iştirak edən, gözəl səhər yeməyi hazırlayaraq hər kəsə xoş ovqat bəxş edən iştirakçılara "AFƏRİN!" Bu da əziz balalar, mükafatınız!... Uğurlarınız bol olsun!..